又係一間新屋,呢間係屋苑式嘅盤,同一屋苑有10間houses又有apartments,仲有個shared gym room。
呢間係2224呎嘅4房大屋,因為係新屋,所以可以影多D相,放多D相,平時睇人哋屋企就唔好意思影咁多相。
門口有個假車房,其實係屋外儲物空間。
地下有客廁,開放式廚房客飯廳,又係用bi-fold doors出花園,bi-fold應該係呢期流行。
個廚房白雪雪,焗爐旁的大櫃其實係雪櫃,超大個,洗手盆下面收埋洗碗碟機,island部份可以放高櫈做breakfast table。廚房電器全部用BOSCH牌,仲係賣點之一。
一樓只有一間主人房,房內先有dressing room,再經dressing room入浴室。
二樓有兩房一廁,三樓再有一房一廁,三樓另有一露台,可以望到屋後嘅高爾夫球場。
呢間屋好大,亦好鬼貴,但其實萬母覺得佢太多層,多到喺樓梯行行吓唔記得咗自己去到邊層,住喺入面,應該要先喺樓梯加樓層牌。
而佢嘅洗衣機係收埋喺某層嘅儲物室,呢點萬母覺得怪怪地,但可能豪宅係咁嘅,只係平民諗唔明啫。
沒有留言:
發佈留言