俗語都有話"遠親不如近鄰"，萬能家離開家鄉，嚟到老蓮咁遠嘅英國，起初真係好擔心會斷六親，得番一家四口自生自滅。
但真係好感恩我哋有近鄰，我哋除咗黐住"浴室之家"之外，仲喺到步冇耐就識到一班香港家庭，每日都有機會用廣東話吹吓水，間唔時送咗細路返學，班媽媽仲由9點吹到3點，真係勤力過返學。
趁住half-term break，大家嚟個野餐聚會，俾機會細路放吓電，曬吓太陽。
有近鄰仲可以嚟個短暫託兒，喺香港大家都有強大嘅支援團隊，但嚟到英國只有互相幫助，互相扶持，咁樣先可以喺5+1呢條漫漫長路繼續行落去。
你的朋友和父親的朋友，你都不可離棄。你遭難的日子，不要上弟兄的家去；相近的鄰舍強如遠方的弟兄。(箴言27:10)
沒有留言:
發佈留言