芬蘭堡

//芬蘭堡位於芬蘭首都赫爾辛基市中心東南部，由八個島嶼組成。

芬蘭堡由200座建築和綿延6公里（3.7英哩）的防禦牆所組成，是瑞典王國用於防禦俄羅斯帝國的擴張，於1748年開始建造的要塞。//

由赫爾辛基去芬蘭僿只可以坐船，船程約15-20分鐘，一個鐘有3班船，上到芬蘭堡就要靠11號行動，夏天天氣暖，漫步芬蘭堡其實好舒服，我咃目標係King’s Gate(國王大門)，

//國王大門建於18世紀中期，原用於迎接瑞典國王，如今已成為標誌性地標。//

原本打算行一個鐘，最後我哋拖拖拉拉，影吓相又玩吓，結果行咗二個鐘，感覺有D似行山，但真心舒服(夏天嘅感受)。

坐返船返赫爾辛基，碼頭旁邊係赫爾辛基集市廣場與老農貿市場(Kauppatori & Old Market Hall)，老農貿市場係室內市場，其實面積好細，得兩條通道，原本打算喺入而食lunch，結果因為太焗，我哋去咗露天市場解決午餐。

如果係冬天去芬蘭，我估我唔會去芬蘭堡，因為太凍喇，但夏天當郊遊都唔錯。

赫爾辛基 Helsinki

暑假除咗同貴賓喺英國四圍貢之外，我哋仲去咗芬蘭搵聖誕老人，無錯，夏天熱辣辣時搵聖誕老人，仲要遇著芬蘭30年來最嚴重嘅熱浪，全程都可以著短袖，真係有D天氣不似預期，但感恩呢種天氣其實更適合我哋呢D亞洲人。

由於冬天先有直航由倫敦飛羅瓦涅米Rovaniemi，我哋就先去芬園首都赫爾辛基 Helsinki。

其實赫爾辛基唔算好大，如果行動快捷嘅，可能一日已經玩曬。

赫爾辛基好多有趣又有特色嘅建築物，我哋路過都遠眺或外觀部份，有幾個係我咃選擇咗入去參觀嘅。

靜默教堂(Kampin kappeli)

https://www.kampinkappeli.fi/en/

大人入場(夏天)€5/人，細人免費

//康皮禮拜堂(靜默教堂)是一個位於芬蘭赫爾辛基康皮區納林卡廣場邊上的禮拜堂，於2012年2月1日揭幕。該禮拜堂是2012年赫爾辛基世界設計之都的項目之一。 康皮禮拜堂並不舉辦教會儀式，而只用於靜默禮拜。禮拜堂里有教會及社會福利局的工作人員。 該禮拜堂在2010年獲得國際建築獎。//

靜默教堂其實外觀冇咩特別，如果唔為意，好容易會miss咗佢，入面係畀人靜默嘅，入面好安靜，但如果見睇特式嘅話，岩石教堂會震撼好多。

聖殿廣場教堂(岩石教堂) (Temppeliaukion kirkko) 

https://temppeliaukionkirkko.fi/en/index/nimi.html#ticketinadvance

大人入場€8/人，細人免費

//聖殿廣場教堂，俗稱岩石教堂，是位於芬蘭赫爾辛基的一座路德宗教堂，由一對兄弟建築師蒂莫·索馬萊寧和圖奧莫·索馬萊寧設計，竣工於1969年2月。//

岩石教堂真心覺得要入去參觀，好宏侓，喺入而真係好想敬拜神。

赫爾辛基頌歌中央圖書館（Oodi Helsinki Central Library

https://oodihelsinki.fi/en/   

//赫爾辛基頌歌中央圖書館，是位於芬蘭赫爾辛基市中心的市立圖書館建築。芬蘭ALA建築設計所贏得了面向國際招標的設計比賽。赫爾辛基市議會在2015年1月批准了該項設計方案，同年下半年開始了建設。2018年12月5日圖書館正式開放。 在面向公眾的命名競標中，「頌歌」被選定為該建築的名字。//

赫爾辛基頌歌中央圖書館無論外面同入面都令人好舒服，有室外平台可以畀人休息，室內有好多唔同嘅座椅，令你好想留喺入面，連圖書館都咁舒服，怪唔知芬蘭連續8年成為「世界最幸福國家」，淨係喺圖書館都已經覺得好幸福。

今年係姆明80週年紀念，所以芬蘭有好多慶祝展覽，而赫爾辛基都有姆明專賣店，買手信嘅好去處。

//姆明是芬蘭瑞典族女作家朵貝·楊笙筆下的童話小說系列以及家族的名字，也混用於主角 Moomintroll 的譯名。姆明家族身形圓潤，有著大大的鼻子。這個家族住在芬蘭森林裡的姆明谷裡，過著無憂無慮的生活。他們及其朋友，對姆明谷附近的環境感到好奇，富有冒險精神。//