返工記 ~ 考試溫習材料

萬母陪住考試班上堂，有咩得著呢？

就係知道邊度有past paper搵，邊度可以有更多雞精notes, mock paper。

呢邊嘅past paper同香港唔同，考完試就會擺上官網，畀人免費下載，但因為呢邊唔係得一間考試局，好幾個唔同嘅exam boards都可以舉辦考試，最常見嘅係AQA，Pearson，OCR等等，每個exam boards都有自己嘅syllabus，所以past papers都唔一樣。如果要準備考公開試，就一定要先知道自己學校係用邊個exam boards。

呢個Save My Exams網站，除咗past paper同mark scheme之外，仲有revision notes同topic questions(練習題)。呢D resources都係免費嘅。

https://www.savemyexams.com/

Physics and Maths Tutor網站，顧明思義可以搵補習老師，除非之外，仲有revision course可以畀錢參加，而免費嘅資源就係past paper同revision notes。

https://www.physicsandmathstutor.com/

Zigzag Education嘅資料都係要收費嘅，佢嘅目標觀眾除咗係考生之外，老師都係佢嘅target，除咗有notes賣，practice exams都有得賣。

https://zigzageducation.co.uk/

今年嘅考試季已經完喇，考生們可以開心放假喇。

返工記 ~ 再次監考

萬母喺英國嘅第一份工就係做監考員，當年喺一間"band 3"學校做，仲要專門監D SEN學生，二三十個有特殊需要嘅學生擺曬喺圖書館，得1-2監考員睇住，全部都要考試調適，有D要加時，有D要電腦讀卷，雖然有個大榜列曬邊個有咩調適，但實際操作時就好考功夫，最慘係考Science嗰陣，又要分double science定triple science，仲有high tier同foundation，咁樣已經4款卷，派卷時要小心唔可以派錯，到收卷時又係，因為連埋有/冇加時，同一間房可以有4個考試結束時間，幾時要收邊個份卷，真係要check清楚。

最頂癮係呢班band 3 SEN學生，好多都係無心向學，有電腦畀佢讀卷，佢持住戴住headphone，偷偷開音樂聽，另一個仲離譜，偷偷上網查答案，監考時就好似打地鼠咁，要一眼關七，疲於奔命。

自從萬母轉咗工之後，就冇再返監考喇，但今年因為學校唔夠監考員，而萬母跟開嘅學生又大部份考緊公開試，所以萬母去咗兼任監考員，喺"band 1"學校監考同"band 3"真係差天共地。萬母今年都唔係喺大hall監考，專責一對一嘅個別監考，全程只係坐喺度望住佢寫，間唔時發吓白日夢，最辛苦係要忍住唔好玩電話。

講開考試調適(access arrangements)，除咗有特殊需要學生，即係已確診讀寫障礙，過度活躍症或者自閉症嗰D一定可以得到調適(加時/讀卷/電腦代筆等等)之外，呢度其實好人性化，如果個學生有嚴重考試焦慮(exam anxiety)，都可以同學校嘅SENCO申請調適，不過就唔係加時嗰類，係可以申請rest breaks，rest breaks即係考試期間可以同監考員要求有小休時間，而呢D小休時間係唔計喺考試時間入面，舉個例，原本考個半鐘嘅學生，由9:00-10:30，考生如果中間小休咗5分鐘，佢個考試結束時間就會順延至10:35，不過要留意，小休期間係唔可以接觸考卷同答題簿嘅。

仲有，如果手字太醜，都可以同學校要求用電腦打答案，但考試時就唔會有spell check/auto correct呢類功能。總言，呢邊考試係盡量幫學生發揮所學，只要係合理嘅要求，學校好多時都會配合。

返工記 ~ 陪瞓專員

相隔差唔多一年再寫返工記，萬能生話萬母呢項工作真係值得一記。

萬母返工，除咗要處理文件，幫老闆約人開會之外，今年仲有一項特別任務，就係陪瞓。

事緣學校有個患有渴睡症嘅學生，成日上上吓堂釣魚，萬母嘅任務就係跟住佢上堂，見佢瞓咗就拍醒佢，有時佢好叻，成堂都冇瞓，有時就不停瞓不停拍，老師同其他同學見到呢個景象，唔知有咩感覺呢？

喺呢間學校做咗兩年，今年班畢業生離開時，萬母都有D不捨，因為好有可能以後都唔會再相遇，雖然大家都係大家生命中嘅過客，但都係希望呢班年青人前程似錦，能過幸福嘅生活。

The Shambles @ York

York除咗有收費景點，其實都可以免費遊嘅。

The Shambles(肉舖街)係一條用石塊鋪成嘅窄巷，呢條街喺中古世紀已經存在，兩邊都係15世紀嘅木屋，以前兩邊係肉店林立，所以稱為肉舖街，而家就變成旅遊景點喇。

去到肉舖街就會有種似曾相識嘅感覺，知唔係哈里波特囉，Harry Potter入面嘅斜巷街(Diagon Alley)就係由呢度得靈感。

The Shambles已經變成遊客區，有D受歡迎嘅舖頭要排幾個鐘先有得入添呀。

除咗The Shambles，York市中心其實都好有多舖頭，仲有市集，所以就算唔想畀入場費，York都係一個好值得遊覽嘅城市。

https://visityork.org/business-directory/category/shambles

梵高沉浸式體驗 @ York

呢個係一個即興景點，一落車見到有梵高，又攝到時間，就去喇。

第一部份就係所謂嘅沉浸式體驗，喺教堂嘅大堂擺咗好多沙灘椅，畀人坐住嚟睇，四邊牆壁就project咗梵高嘅作品，用電腦做到一幅變一幅係幾有趣嘅，但就稍為單調，只怪自己嘅藝術氣息唔夠。

第二部份係個小小嘅展覽。

總括嚟講，有DD悶，到此一邊就夠喇。

https://www.vangoghexpo.co.uk/york/

一家四口入場費£42