揀電器又係一大難題，因為唔知點入手，所以我哋先鎖定電器牌子，BOSCH喺英國算係中高檔牌子，聲譽都唔錯，所以我哋屬意成屋電器都揀佢。
但最後因為BOSCH焗爐無貨，揀咗AEG焗爐，其他包括電磁爐，抽油煙機，洗碗碟機，洗衣機同乾衣機都一概係BOSCH。
除咗雪櫃，洗衣機同乾衣機，其他電器我哋都跟廚櫃公司訂，咁樣訂就有折扣，化算D。
我哋自己訂電器，都係波折重重嘅，BOSCH乾衣機又係全城無貨，最後要日日巡電器網先搵到一部咁大把，但總算解決了。
以下係電器網站：
https://www.currys.co.uk/
https://ao.com/
https://www.argos.co.uk/
裝好晒D電器後，同朋友傾開計，竟然發現大家嘅BOSCH抽油煙機都唔多掂，唔係好抽到氣，究竟係安裝問題，定係BOSCH嘅結構問題，到而家都仲未知道。
去到裝修嘅中後期，室內嘅設施都差唔多揀好晒，就要揀門喇。
先講大門，builder一早話大門要用composite door，萬母上網查過，用最簡單講解就係個餡係實木，外皮玻璃纖維，呢種門好處係夠實淨，但亦唔怕風吹雨打，閒閒地可以用廿幾三十年。
Builder叫我哋自己諗掂度門嘅設計，係，英國呢邊嘅門係可以好多花款嘅，佢叫我哋可以上網睇，或者行街見到靚就影低佢，只要畀張圖佢就攪得掂。
我哋周街睇人嘅門，但都揀唔啱心水，呢邊D門好興係好多玻璃，相信主要原因係可以透光，但萬母又未好接受到太大塊玻璃，感覺唔太安全。
最後我哋係去下面嘅網站，用"Design Your Door"，click click click，砌到個圖出嚟就send畀builder，並得到佢滿意嘅肯定。
https://www.solidor.co.uk/our-doors/
攪掂大門，輪到室內門，室內門可以揀防火門與非防火門，如果有做loft，屋入面其他房門就必須要做防火門(廁所除外)，我哋雖然冇整loft，但為咗可持續發展，我哋都揀咗防火門，價錢比非防火門貴少少，但唔算誇張。
如果喺英國住緊嘅朋友，應該發現英國嘅房門係唔興有鎖嘅，同我哋喺香港好唔同，呢邊只會喺廁所可以上鎖，其他房間都係靠自律。
停咗幾星期冇寫裝修記，皆因唔止BB會小器，好多野都會小器，個worktop攪咗個幾月，一時又話𠝹爛咗塊石，一時又話配唔返同色石，最後要揀過另外一款石，真係波折重重，個軟水機又送漏咗installation kit，等了又等，份野遊完個大運先到步。
所以一日未整好，一日都唔可以咁嘈，或者要每日㩒多幾次touchwood apps先可以甩除惡運。
今次終於等到另一個項目攪掂喇，就係個splashback。
splashback即係防濺擋板，喺香港好少見，因為香港嘅廚房同廁所絕大部份都鋪晒磚。但英國嘅廚房係油漆，甚至係貼牆紙。
想易D清潔，唯有喺爐頭，sink盆後面安裝splashback，傳統D嘅會整塊不鏽鋼或膠片，高檔D嘅就整塊玻璃，甚至將worktop嘅石延伸上牆。
有D廚房只喺爐頭位鋪splashback，其他位置就會鋪upstand(見圖2)，upstand係細細塊，垂直於個worktop嘅，作用都係擋水，但擋少少咁喇。
睇完一大輪示範單位，網上圖片，發現用石或者玻璃，的確好靚仔，但就好貴，用不鏽鋼配upstand又覺得太老土，最後我哋揀咗用磚，不過就唔係細細塊嗰D，係大大塊磚鋪上去，一來化算DD，二來又大塊磚少D隙縫易D清潔。
萬能生話完成品有D似玻璃splashback，感恩，總算攪掂多一樣。
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
