小妹學校有Inclusion Week，成個星期都有唔同嘅活動，包括學手語，著色彩繽紛嘅‘Loudest’clothing去對聾童表示支持。
另有odd sock day，個個著晒鴛鴦襪返學，表達對唐氏綜合症嘅關注。小妹返嚟識得講，著鴛鴦襪係因為每個人都唔同，all people are different。
仲有為學校嘅sensory garden募捐，捐咗錢嘅同學可以去拮一個氣球，入面可能有£5回贈，學校嘅宣傳攻勢好強，個個細路返屋企都提阿媽要捐錢。對學校嘅事上心都好嘅，即係佢哋享受校園生活。
圖為小妹嘅超級鴛鴦襪，佢話老師話佢對襪very odd喎。
除咗揸出大路之後，萬母都開始學泊車，師傅稱之為學動作。
首先學嘅係泊L位，老實講，喺車上，萬母係聽住師傅指示，扭左軚，狂扭狂扭，而家扭右，快D狂扭，扭完一大輪總叫泊咗入個格仔度，但其實係完全唔知道自己做緊咩，點解要咁做，點解係左唔係右，幾時扭左幾時扭右真係完全唔知。
為咗解開自己嘅疑團，萬母請小妹砌咗架lego車，仲用A4紙畫咗D停車位，先叫清楚少少究竟做緊咩。
唉，先天不足，後天真係要努力補救。
後泊L位
https://www.youtube.com/watch?v=ynpPIGsgvnI
前泊L位
https://www.youtube.com/watch?v=6zTfM-L25Pw
呢次睇屋記，其實係一連睇咗兩間new home新屋，兩間屋孖埋，一間係mid-terraced，另一間係end-of-terraced。
兩間都係1551呎3房，做晒rear extension同loft conversion，兩間屋嘅layout非常相似，只係D storage room有D唔同。
以下介紹主要係間end-of-terraced house。
地下有一客廳，另有一客飯廳連開放式廚房，呢個廚房嘅洗手盆有窗望花園。
客飯廳出花園用bi-fold doors，樓梯底有個客廁，旁邊仲有間洗衫房。
一樓有兩房兩廁，其中一間沖涼房係ensuite，另一浴室有浴缸又有企缸，雖然都唔明點解一間浴室要有齊兩樣野，但呢個都係賣點之一。
二樓有一房連ensuite沖涼房。
一樓同二樓分別都有電錶房連儲物室。
睇新屋真係幾開心嘅，所有野都新新淨淨，仲要有成1500呎，3間房都大大間，不過睇見個銀碼就唔多開心喇。
Anyway，我哋去睇新屋主要都係想睇裝修，偷吓師睇吓最新款嘅裝修係咩樣。
小妹們好鍾意食相中嘅朱古力餅，某一日我哋發現包裝袋後有theme parks嘅買一送一coupon，於是就買飛去legoland玩，實驗證明，真係用到嘅，不過記住要帶埋包裝袋上嘅coupon去入場。
萬能家算好彩，叫做順利買到間屋，雖然而家呢刻仍未變做安樂窩，但身邊好多朋友都遇到唔同嘅經歷，攪到最後要終止交易。
朋友買嘅係house，freehold，律師做searches發現間屋嘅extensions原來冇得到council permitted，某程度上算係僭建，結果交易完成唔到，律師費同survey費就蝕咗喇。朋友經一事，長一智，而家出offer前會先上council睇個extensions有冇獲批。
另一朋友買嘅係apartment，leasehold，又係攪攪吓先發現，原業主改動單位間隔時冇得到地主批准，如果地主唔批嘅話，worst case係要還原單位，所以最後交易都係告吹。
仲有個本地建築師，話臨exchange前幾日畀人高價搶咗間屋(gazumping)，結果攪到自己間屋都賣唔出，成個賣屋買屋過程要重新再嚟過。
如果閣下買屋時都曾經遇到麻煩事，歡迎分享，等大家一齊長一智，大家一齊打打氣。
https://www.youtube.com/watch?v=wQJXOAKvSqM
當exchange咗contracts，買咗保險之後，最後一樣就係等Completion，拎鎖匙。
呢度交吉唔似香港咁，冇得早3日上去驗收，所有野都係等交易日去做。
咁當然喇，你都可以同業主協議，交易前再上去睇屋嘅，但係就會見到一片混亂，唔會見到交吉狀況。
交易日前，萬母先同律師確認過數時間，跟手再同agent約時間拎鎖匙。
交易當日，我哋係晏晝兩點去拎鎖匙，跟住去到新屋度就見到前業主搬緊屋，冇錯，英國人真係直接喺交易日搬屋，佢哋喺一日內拎新屋鎖匙，再由舊屋搬去新屋，呢樣野萬母到而家都諗唔明嘅，新屋唔駛清潔就住得人㗎喇？
咁由於前業主係即日搬遷，可以想像到有幾匆忙，亦可以想像到佢哋走咗之後間屋嘅狀況，咪就係有D頹垣敗瓦feel囉。
本來我哋只諗住油吓牆，小執就住得，點知收樓後，嚇一嚇，變咗計畫不似預期。有機會再分享吓呢個180度轉變嘅心路歷程。
就係咁，歷時三個月(計埋睇屋，其實唔止)嘅買屋過程都叫做完成，仲成功追到個stamp duty holiday添，都真係算好彩。萬母身邊有唔少朋友，都因為中途有唔同問題而要pull out，買唔成屋，所以雖然我哋嘅計畫不似預期，但仍要感恩。
https://hoa.org.uk/advice/guides-for-homeowners/i-am-buying/completion-what-to-expect/
若不是耶和華建造房屋、建造的人就枉然勞力．若不是耶和華看守城池、看守的人就枉然儆醒。(詩篇 127:1)
https://www.youtube.com/watch?v=l_xTymMbV-8
等永居批核期間係唔可以離境嘅，因為唔肯定可唔可以拎到快證，所以我哋安排咗一次北威爾斯之旅。 其中一個重要景點係去玩Zip World，類似Go Ape咁嘅繩網活動，不過就多D zipline。 我哋玩咗Fforest Coaster，我姑且叫佢做森林過山車，有D似先前喺芬蘭玩嘅滑...
