上期搶先發咗花癲，今期再講返交通點安排，之後再慢慢講其他荷蘭景點。
今次我哋揀咗坐渡輪過大海，連架車都可以上埋船，去到荷蘭繼續road trip。
我哋揀咗坐Stena Line，原因係佢個碼頭(Harwich Port)近屋企D，仲有另一間公司都做英國-荷蘭航線，但D碼頭喺英格蘭北面，冇咁方便我哋。
坐船過荷蘭可以揀早船或夜船，我哋揀咗坐夜船，11點起程，第二朝8點埋岸。雖然夜晚先開船，但要預早check in登船，排隊上船，大約排大半個鐘至一個鐘，
我哋揀咗住4人外艙房，房間唔算大，有私人浴室。船上有餐廳酒吧，其他娛樂設施就冇咩，不過呢架船其實係交通工具，所以都唔預佢有咩玩。
起初會擔心暈船浪，但好彩冇事，只係瞓覺時會感覺到張床震震吓，特別係上格床震幅比下格床大。晨咁早(5點半)就會有morning call，係中央廣播，嘈之巴閉，想唔理佢繼續瞓都唔得，瞓醒就落船，排隊等上岸都係排大半個鐘至一個鐘。
當架船開始行駛時，就唔可以再落返泊車嗰層，所以當晚有咩要用，要預早執D，包括飲用水，個人清潔用品等等。
https://www.stenaline.co.uk/
一家四口連埋架車，來回兩程船費五百零，接近六百磅。
