呢場芭蕾舞，本來應該兩年前睇嘅，但當年因為剛剛covid解封，大家都仲好關注個疫情，當年就係因為隊crew太多人中招而取消表演。
其實胡桃夾子芭蕾舞每年聖誕期間都會上演，而且總會有一場係家庭show，買大人飛送細路飛，萬母兩次都係等呢個優惠先買飛睇嘅。
如果想收到優惠資料，可以去Royal Opera House嘅網站登記收newsletter，咁有節目出時就會收到通知，啱心水嘅就可以去買飛。
https://www.roh.org.uk/
講返場芭蕾舞，胡桃夾子係柴可夫斯基嘅作品，故事背景係平安夜嘅聖誕party，有個女仔收咗份胡桃鉗嘅聖誕禮物，之後就進入咗奇幻世界，胡桃鉗同老鼠王大戰，仲帶埋女主角進入糖果王國，仲有世界各地嘅民族舞表演。
萬母都係完場後做功課先知套劇講咩，下次都係乖乖哋入場前溫好書先，睇咗套柴可夫斯基，突然覺得自己嘅文化水平高咗DD添。
好耐冇幫鏡仔tag歌，但今次實在忍唔住。
好開心見到大陳自信咗，細陳開心咗。
呢對兄弟能夠成為各自"安心嘅存在"，實在難得。
但願大家喺生活中都能夠搵到一個人，甚至好多個人，成為你"安心嘅存在"，有佢喺身邊就開心兼有信心。
唔講咁多，要返去loop歌。
https://www.youtube.com/watch?v=76JK_aJHXwg
#陳皮CP
#陳氏兄弟
#陳瑞輝Frankie
#陳卓賢Ian
南下去探朋友，順便搵吓有咩玩。
如果係夏天，陽光與海灘係好選擇，但冬天就只有大風與海沙。
我哋揀咗去船，有咩特別呢，就係帶埋架車車去坐海。
架船由Sandbanks Beach去Shell Bay Beach，船程只係4分鐘，單程要£5.2(全車)。
當做一個體驗都幾好玩嘅，呢架船係靠條鐵鍊拉動，係幾特別嘅。
如果係夏天，坐船兼去海灘係正嘅。
https://www.sandbanksferry.co.uk/
一直都打算去倫敦塔，但因為近，所以遲遲都未動身，終於都完成呢項to go list喇。
倫敦塔比其他地方嘅castle更似castle，因為佢真係有四方型嘅圍牆，
//倫敦塔（英語：Tower of London）是位於倫敦市中心泰晤士河北岸的一座城堡，其官方名稱是「國王陛下的宮殿與城堡，倫敦塔」（His Majesty's Palace and Fortress, The Tower of London），因此雖然將其作為宮殿居住的最後一位統治者已是幾世紀前的詹姆士一世（1566年至1625年），但在名義上它至今仍是英國王室宮殿。它座落於倫敦的陶爾哈姆萊茨區，與倫敦城的東邊相隔著被稱為「塔丘」的開放區域。
倫敦塔始建於1066年底，是諾曼征服英格蘭的產物。白塔（不以建築風格及材料為名，而是建成當時，整體漆成白色而得名）實際上是在倫敦泰晤士河邊的幾座塔樓的組合體中間；倫敦塔曾作為堡壘、軍械庫、國庫、鑄幣廠、宮殿、刑場、公共檔案辦公室、天文台、避難所和監獄，特別關押上層階級的囚犯。最後的這一用途產生一條短語「sent to the Tower」，意思是「入獄」。倫敦塔最後一次作為監獄使用是在第二次世界大戰期間，關押魯道夫·赫斯。1988年被列為世界文化遺產。//
倫敦塔入面仲有烏鴉吉祥物。
//為了尊重古老的傳說，現在的政府仍然負擔開支，在塔內飼養渡鴉，相傳只要塔裏還有烏鴉，英格蘭就不會受到侵略，反之，國家將會遭逢厄運。為了確保這些烏鴉不會全都離開倫敦塔，牠們其實已被剪除部分的羽翼而失去飛行能力，但相對的也受到非常細心的照料與關注。目前塔裏的7隻烏鴉名字分別為：Hardey、Thor、Odin、Gwyllum、Cedric、Hugin和Munin，是很受遊客歡迎的吉祥動物。//
呢個景點，好有歷史，曾經係皇宮，又養過好多奇珍異獸，仲係個監獄，刑場，係值得一去嘅。
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
