離開咗lake district，我哋去咗liverpool，主要有兩個景點想去，一個係Knowsley Safari，可以揸車入嘅野生動物園。
兩年前喺倫敦附近去過一次Safari，覺得幾好玩，所以今次喺liverpool再去Safari，重點係blue peter badge免費，但大人入場費都唔平呀。
Safari都係分兩部份，揸車睇動物同步行睇動物嘅，揸車部份最"特別"係咩呢？就係班狒狒，呢班狒狒係會拆車嘅，入去嘅車都無一幸免，上次喺倫敦附近嘅都冇咁曳，呢度嘅狒狒將車頂嘅膠邊拆咗，仲送咗舊大金，真係一個"好"體驗。
其實揸車入Safari都可以唔入狒狒區，係有另一條路避開狒狒嘅，而且一早已經有warnings，其係我哋估唔到班狒狒咁堅，如果想試吓自己架車堅定班狒狒堅，可以揸車入去一試，否則見到狒狒就避之則吉喇。
Safari其他部份都係差唔多樣，有D機動遊戲可以玩，但就要另外畀錢。
冇咗嘅car parts係可以上網買得返嘅，但用blue peter badge慳咗嘅入場費就即係冇慳過喇。
https://www.knowsleysafariexperience.co.uk/
喺Haven Holidays玩咗5日，臨離開Lakeland前，我哋決定去小妹最喜愛嘅farm park走一轉，揀中呢個farm park，原因係佢個大迷宮。
Farm park有動物睇，有動物餵係基本盤，仲有children's playground，跳彈床，長滑梯，夏天仲有水彈，同埋最吸睛嘅大迷宮。入場時，售票員會問你駛唔駛買迷宮地圖，盛惠£1，如果最後冇開封過張地圖，係可以退款嘅。
好喇，到重點喇，就係個迷宮，其實迷宮分兩部份，mini版與正常版，入迷宮前要先睇安全指引，每組都要拎支紅旗，萬一有咩事要求救，高舉紅旗等救援就得，安全影片仲話如果到6點你架車都仲未離開停車場，直昇機就會嚟救你。
嘩，聽落好似好serious咁，個迷宮究竟有幾堅呢？
我哋用咗半個鐘去完成mini迷宮，包括搵出口同checkpoint，完成mini迷宮後，萬母決定要先醫肚，因為大迷宮比mini迷宮大6倍！
食飽飽，去埋廁所，我哋就去挑戰大迷宮喇，迷宮係用粟米植物組成，棵棵都好高大，喺入面真係無法知道自己喺邊，要搵出口唔係最難，最難係要搵埋check points，我哋喺大迷宮迷咗90分鐘，為咗唔駛搭直昇機離開，最後決定放棄check points，直接去搵出口，好彩順利走得甩。
呢個迷宮連小妹都話勁，鍾意挑戰呢類活動嘅大小朋友絕對唔好錯過，迷宮由7月開到9月，夏季限定。
https://www.lakelandmaze.co.uk/
喺Lake District搵住宿期間，搵搵吓搵咗去Haven Holidays，就趁住暑假天氣好，試吓住caravan喇，因為預咗caravan都係迫迫細細，冇期望所以冇失望，反而入住時比預期多咗個洗手間，仲喜出望外添。
caravan面積真係細嘅，張床都好窄，但麻雀雖小，五臟俱全，廚房，廁所，浴室，客廳，通通都齊，廚房用具仲足夠去煮飯，自己開餐添。
campsite入面有間mini market(即係co-op)，起初以為一定會坐地起價，但入面嘅售價竟然同出面一樣，而且貨品都齊全，係選擇會少D，但樣樣都有，起初擔心要外出補購，但最後都唔駛，一間co-op都夠用。
campsite入面有3間餐廳，價錢都合理，雖則選擇唔多，但食一星期都可接受嘅。
campsite入面都有好多活動可以參加，有D免費，有D要收費，可以預早一個月報名，我哋玩咗唔少野，小妹最滿意係可以游水同打機，佢仲話呢D campsite可以去多D咁話。
https://www.haven.com/
唔同campsite有唔同活動，相片只供參考。
不過要提一提，campsite入面，除咗主要設施有wifi，架caravan係冇wifi嘅，連電話訊號都時有時冇，係一個離開煩擾嘅好機會，未試過用caravan嘅，值得一試。
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
