趁住Half-term放假，又趁住天氣未凍，係玩樂好時機。
今次去Drayton Manor Theme Park，亦即係Thomas Land主題樂園，雖然小妹唔好Thomas，但呢個樂園有低階機動遊戲，又有高階機動遊戲，仲有個動物園，今年仲新增咗維京人主題，啱晒我哋一家嘅要求同喜好。
樂園仲有埋自己嘅酒店，喺酒店住一晚就可以第二日再免費入園，仲可以比街客早半個鐘入去玩，兼仲送埋每人每日一張fast pass，可以插隊一次。
酒店包自助早餐，食食吓早餐仲有fat controller嚟搵你傾計影相。而晚餐亦可以喺酒店餐廳解決，當然要自費喇。
除咗普通房，酒店仲有Thomas主題房或維京主題房揀，我哋就揀咗維京房喇。除咗有大床，仲有一張碌架床，一家四口都塞得晒。
呢個樂園，話大唔大，話細唔細，兩日悠閒地玩就啱晒喇。
https://www.draytonmanor.co.uk/
小妹本護照就快到期，唔返香港換，唯有隔空換護照。
其實過程唔難，只係上網㩒同畀錢就得。
https://www.gov.hk/tc/residents/immigration/traveldoc/hksarpassport/applyhkpassport.htm
不過申請時就要準備埋以下文件。
1. 證件相(白色背景)
2. 學校證明文件/副署表格(因為冇附相片嘅兒童身份證)
3. 副署人身份證副本
副署表格連結在下，副署表格係要搵人證明相中人真係護照申請人，唔難填嘅。
https://www.immd.gov.hk/hkt/forms/forms/id641.html
如果個細路唔係香港出世，或者阿爸阿媽冇香港身份證，就要另外交多d文件。
護照嘅海外運費仲貴過護照費，每人盛惠HK$390。
上網填好表，upload好要嘅文件，交埋錢，就係等。
首先會收到入境事務處嘅email話收到申請，同埋大約2星期後會寄出護照。
之後大概一個月左右，就會收到中國駐英國大使館嘅email，通知可以拎證喇。
不過拎證時間係限時限刻嘅，要留意email內容。
拎證時要帶以下文件：
1. 父/母嘅香港身份證正本 (視乎邊個負責申請) & 副本
2. 父/母嘅護照正本 & 副本
3. 細路嘅香港身份證正本 & 副本
4. 細路原本嘅護照正本 & 副本
5. 細路嘅出世紙正本 & 副本
6. 副署事項表格(ID641)正本
7. 入境處嘅通知信
帶齊文件去指定地點就可以拎證，拎證過程好順利，我哋揀最早嘅timeslot到 (要留意，倫敦嘅拎證位唔係大使館，係簽證申請中心)，一去就埋櫃位，唔夠10分鐘就攪掂走得。
由於換證後連護照號碼都變埋，所以我哋要通知Home Office有關改變，之但係home office會唔會覆，或者幾時覆就唔知喇，也許等到我自己都唔記得自己寄出過呢封信時，就會有回覆。
https://www.gov.uk/government/publications/notification-of-change-of-circumstances-form-mcc
#圖文不符
試過返工做監考員，萬母開始有興趣再搵工，目標係長期兼職。
其實係暑假前，6-7月期間，好多學校已經出ad請人，包括老師同助教，助教嘅門檻唔高，如果喺香港教開書嘅都一定夠資格，可惜萬母唔想返全職，只想搵兼職。
小妹係Harry Potter迷，一直都話想睇the Cursed Child。
萬母覺得一家四口嘅飛好貴，所以買咗Balcony位，結果大部份時間都係睇演員嘅頭殼頂，而且喺Balcony係望唔到台邊嘅，所以會miss咗少部份。
但套劇係精彩嘅，佈景道具，所有野都好精彩，只不過，一連睇2 parts，由晏晝一點睇到差唔多四點，再由六點睇到差唔多九點，對眼，條腰同個屁股其實都幾攰嘅。真係對harry有興趣先好挑戰，太細嘅小學雞係好難頂咁耐嘅。
劇院附近有間舖頭專賣Harry Potter同其他電影嘅精品，入面簡直係人山人海，但其實萬母對旁邊兩間韓式超市更感興趣。
https://uk.harrypottertheplay.com/
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
