為女皇登基七十周年慶祝周揭開序幕！
伊莉莎白二世喺1952年登基，今年剛剛足70年，係英國史上統治期最長嘅君主；第二長嘅係維多利亞女皇，在位時間係63年7個月。
女皇登基七十周年喺英國係大事，仲專登有多日公眾假期，嚟緊5月尾6月頭呢個星期就係大肆慶祝嘅日子。
為咗賀一賀女皇，其實只係貪玩，小妹去咗Gulliver's Land玩。
呢個系列嘅theme park，早前喺Sheffield已經去過，趁小妹仲啱玩，再去玩玩，今次係去Milton Keynes。
呢個系列嘅theme park目標人物係年紀較細嘅小學雞，機動遊戲都係較易入口，刺激度較溫和，佔地唔算大，一日遊剛剛好。
趁住夏天term break，真係要好好玩餐飽。
https://www.gulliverslandresort.co.uk/
作為一個書僮，當然想知少主返學學咗咩，但小妹學校冇咩功課做，要等到暑假前先有機會睇到喺學校做嘅堂課，先知究竟學緊咩。
咁樣，萬母當然唔心足喇，所以就上網買咗本小學課程綱要，自己去睇吓，了解吓。
呢本課程綱要，唔係官方出嘅，係出版社出，因為係彩色印刷，所以都幾好睇。佢有分唔同嘅Key stage，兩個小妹都讀緊Key Stage 2 (Year 3-6)，所以萬母就集中睇呢個Key Stage嘅資料喇。
雖然唔係全部睇得明晒，有好多係讀咗咁多年書都冇學過嘅(或者老師教咗，萬母只係左耳入，右耳出咗)，所以都幾多新野學，特別係D修辭手法。
Grammar嗰本(左)主要講grammar，講得都幾詳細；English嗰本(右)全面D，有講寫作同閱讀理解，仲有淺談grammar，如果只買一本，會建議買English嗰本。
除咗萬母自己睇呢本課程綱要之外，當小妹有野唔明時，例如：要學adverbial phrase時，萬母會搵返相關頁數畀佢睇。所以，呢本萬母係當參考書咁用，當自己解釋唔到時，就搵佢幫手喇。
睇完本study book/revision guide之後，萬母覺得香港同英國課程最唔同嘅地方係： 英國除咗學閱讀同寫作之外，d grammer都學得好仔細，特別係D專有名詞，話晒英文都係第一語言，學得仔細D都應該嘅。
香港嘅課程都有學grammar，但就好少會講明畀學生知，"嗱，a/an/the就係determiners喇"，"and/or/but就係conjunction"，香港學生主要學點用。仲有clauses同phrases，萬母到而家都係傻傻分不清，讀咗咁多年書都真係讀屎片。
而家真係做伴讀書僮，伴住小妹一齊學。
#特別鳴謝
#香港跑者走難記
趁日照時間長，又係時間四圍貢。
今次去劍橋遊大學，吸吓D文化氣息，希望可以扮吓文人。
劍橋大學中心個停車場，好鬼貴，泊5個鐘要成£30。所以萬能生就搵咗個平D嘅公眾停車場，每個鐘只係£1.3，化算好多。下面係停車場位置。
https://goo.gl/maps/AWEZaCMF6hYFU6ZCA
泊好車行無幾遠就係康河，嚟到劍橋康河，當然唔少得撐篙(punting)，我哋心急，去到第一檔已經上搭，但原來呢檔貴好多，同一價錢呢檔要夾船，其他檔已經可以包架細船。
撐篙除咗可以坐定定欣賞河邊風景，亦可以選擇自己撐，但我哋眼見好多人自己撐都會撞吓邊，如果唔想冒險，都係乖乖搵船家好過。
一邊遊康河，船家一邊介紹劍橋大學嘅歷史同景點，其實都幾寫意，小妹一聽到harry potter係參考劍橋大學做場景，就即刻雙眼發光。小妹話呢個撐篙實在好值得試。
在完船仔，我哋就去睇聖三一學院門口嘅"牛頓蘋果樹"，呢棵樹係用牛頓家鄉嗰棵接枝出嚟嘅，係1954年種植，呢棵樹係肯特花品種，只會出綠色嘅cooking apple，而唔係大眾想像的紅蘋果。
萬能家實在係hea遊，最後一個景點係去museum of zoology動物學，呢個博物館免費入場，入面面積唔大，但擺滿好多動物標本同化石，雖然冇咩互動設施，但小妹都一樣睇得好開心。如果鍾意動物嘅小朋友，呢個博物館都啱睇。
https://www.museum.zoo.cam.ac.uk/
就係咁hea遊完點，我哋就打道回府。
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
