贊丹Zaandam

原本冇打算去贊丹，但行完風車村要搵地方食晚餐，就近近哋揸車去咗贊丹，順便打埋個卡喇。

贊丹最出名嘅就係佢嘅lego式建議，Inntel Hotels係地標。

打咗個卡，食埋個飯，竟然畀小妹發現有arcade可以打機，為博物館之旅加添一點娛樂色彩。

桑斯安斯風車村 Zaanse Schans @ Zaandam

桑斯安斯風車村係阿姆斯特丹附近嘅一個風車村，旅行團必到景點，非常商業化。

如果想睇原始風車村，應該要去鹿特丹嘅小孩提防 Kinderdijk。

嚟桑斯安斯風車村，其實可以唔駛買門票，因為門票係包入去博物館參觀，同埋入去睇兩座風車，但其實呢個行程睇博物館已然睇得好飽，如果早D知道，萬母就唔會買門票，只係睇吓風景同睇吓商店，買吓手信。

總結： 桑斯安斯風車村係商業化嘅旅遊景點，有打卡位，有手信店。

安妮之家 Anne Frank House @ Amsterdam

阿姆斯特丹市中心嘅另一個重點行程就係安妮之家。

//安妮之家是位於荷蘭阿姆斯特丹的傳記博物館，以紀念於因撰寫《安妮日記》而知名，第二次世界大戰納粹大屠殺中最著名的受害者之一的荷蘭猶太人安妮·弗蘭克而成立。

二戰期間，安妮·弗蘭克與她的家人和其他四位居民躲在這座17世紀的運河房屋後方的隱蔽房間裡，以躲避納粹黨的迫害。隨著眾人被捕後，安妮最終並沒有在戰爭中倖存下來，但她的日記於1947年出版。十年後，安妮·弗蘭克基金會成立，並設法保護安妮一家的藏身之處，以避免遭受該街區進行都市開發而影響的侵害。//

安妮之家嘅門票好難買，每個星期二就會開放6星期之後的飛，萬母攪咗一個朝早先買到，差D要放棄。亦有朋友早一星期都執到雞，所以一星期定六星期前預購，要自己考慮喇。

安妮之家值得一遊，特別係對喺英國讀書嘅學生更加值得一遊，因為呢段歷史不可不知。入去睇一轉就會更加明白戰爭嘅可怕。

安妮之家入面唔准影相，所以更加值得入去睇。

附近有皇宮同flower market，有好多手信同bulbs買。雖然D bulbs好吸引，但為免麻煩，最後都係冇買返英國。

https://www.annefrank.org/en/