七姊妹崖(Seven Sisters Cliff)一直都係萬母嘅To Go List，今次趁住落咗南邊，就去埋喇。
起初諗住去行吓山，短短地2 miles應該老少咸宜，可惜天氣不似預期，我哋只能喺七姊妹踩吓石，吹吓風，但個景真係一流，真係值得去一次，觀賞大自然嘅奇妙。
七姊妹崖本身有幾條行山徑，唔同長度，總有一條啱行。
https://www.nationaltrust.org.uk/visit/sussex/birling-gap-and-the-seven-sisters
請注意，海邊真係好大風，而且停車場架機係會食錢嘅，小心！
今次南下之旅，我哋揀咗住Eastbourne(義本)而非Brighton，當初係因為Brighton嗰邊住宿比較費，但回頭睇返呢個決定好適合我哋，下期開估原因。
#這是天父世界
Guildford係Surrey西，離倫敦大約一個鐘車程，曾被評為英國最宜居地區之一，係英國著名嘅中產小鎮。
Guildford條high street曾被BBC中文網選為最好行嘅一條街，條high street新舊交融，地面係典型古城嘅石板街，旁邊嘅舖頭由平民店Primark到名店都有，真係由天光行天黑都得。
Guildford雖然係個小鎮，但都有自己嘅小城堡(Guildford Castle)，城堡喺3 月至 10 月對外開放，可以付費參觀，登上城堡頂睇風景，但其實萬母覺得城堡旁嘅花園仲吸睛，朋友話唔同月份會有唔同嘅花，打理得好好，怪唔知咁靚喇。
除咗城堡，Guildford仲有條River Wey，上面有個Millmead Lock(船閘)，睇住D船夫揸架船仔嚟，仲開閘放水，其實都幾療癒，怪唔知本地人都話係entertainment喇。
Guildford成個鎮嘅氣息都令人好舒服，怪唔知係最宜居地區，不過要宜居先要有銀兩。
上次去牛津已經想參選佢嘅圖書館，但圖書館要滿11歲先入得，所以等小妹夠11歲，萬母就嗱嗱臨去喇。
圖書館導賞團有3種，30分鐘(£10)，60分鐘(£15)，90分鐘(£20)。
30同60分鐘嘅團，每日都有，但90分鐘嘅只係星期三/六/日先有團。
呢D導賞團可以提早1個月買飛，D飛好搶手，所以想要嘅要趁早買。
我哋參加咗60分鐘嘅團，先睇Divinity School，牛津大學最古老嘅課室，會議室同法庭，跟住再睇埋Bodleian Library，建築細緻真係無得頂，書架上嘅書簡直好似拍攝道具咁，導遊話D書全部都裝曬alarm，一拎起就會響，所以想借書要先上網登記，再去指定閱讀室睇，而且呢D古籍大部份都係用拉丁文寫，真係無翻咁多墨水喺肚都唔識睇。
呢個圖書館，萬母覺得值得一遊嘅，可以開吓眼界再拈D文化氣息。
https://visit.bodleian.ox.ac.uk/tours/library-guided-tours
被BA之亂押後咗嘅帖，終於都有得見光。
想喺外地自駕遊，就有機會需要申請國際車牌(International Driving Permit)。
申請之前，先去下面網站睇吓究竟需唔需要，同埋需要邊種。
https://consumer.paypoint.com/international-driving-permits
攪清楚之後，就要搵地方申請喇，以往喺郵局就有得攪，而家要指定地點先得。
要帶咩去申請呢？
- 英國車牌 (用香港牌換 或 喺英國考嘅都得)
- 申請費用£5.50
- 證件相一張
- 如果張英國車牌太舊，係冇相嗰種，就要帶埋護照
帶齊嘢去指定地點，即日攪得掂。
國際車牌仲可以代領，只要帶齊文件就得，好方便。
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
