抓住暑假嘅尾巴,玩到盡,趁住英國公眾假期(bank holiday),一班細路湊埋一齊上哥爾夫球興趣班,上2個鐘每個細路盛惠£25,哥爾夫球真係有錢人嘅玩意。
2021年8月31日星期二
2021年8月30日星期一
Writtle Sunflowers 太陽花園
要抓住夏天嘅尾巴就要抓住太陽花嘅尾巴。英國嘅太陽花花期係8月中至9月,所以趁住仲有得睇就要快。
2021年8月29日星期日
有朋自遠方來~Alexandra Palace
上次我哋去小鎮探朋友,今次輪到佢哋嚟倫敦探我哋,多謝友人體諒萬母廚勢不佳,簡簡單單野餐攪掂,小妹對友人嘅炒米粉相當有興趣,食完一碗又一碗,萬母真係要好好反省吓,平時係咪餓親小妹。
Alexandra Palace位於北倫敦嘅最高點,可以鳥瞰倫敦市,呢度曾經係英女皇嘅行宮,但已經改建成娛樂中心。
講吓Alexandra Palace有咩玩先,首先佢有go ape(繩網陣),ice rink(溜冰場),Pitch & putt(哥爾夫球),劇院,仲有滑板場,兒童遊樂場,艇仔湖。
https://www.alexandrapalace.com/
餵飽自己之後,細路們就去湖邊餵鵝/鴨/鴿/雀,班禽鳥完全唔驚人,遠遠見到有人停喺岸邊已經排晒隊遊過嚟,班鴿最離譜,完全係進擊的鴿子,掛住食連踩到人隻腳都唔理,萬母對住佢哋,只能不停嘴噏噏"我冇野食㗎,唔好過嚟呀!",可惜班鴿應該聽唔明廣東話,完全冇理!
唔好以為落咗水就冇事,班鵝喺水入面都會跟住D艇仔搵食㗎,成日用亮晶晶嘅黑眼睛楚楚可憐咁望住人,攪到萬母唔敢同佢四目交投。
一家幾口包隻艇仔玩30分鐘,盛惠£18.95。
2021年8月28日星期六
獨留兒童在家?
喺香港,好多家庭都有工人姐姐,甚至長老們幫手睇細路,兩公婆要出街返工/拍拖都可以有人幫眼睇仔,但嚟到英國,工人姐姐9成9成冇喇,連大部分長老們都留守香港,屋企冇人幫手睇細路,要出街一係全家一齊出,一係就單拖出,冇得話兩個大人自己出。如果單拖湊細路,仲大穫。
2021年8月27日星期五
細路免費驗眼
NHS包咗16歲以下細路同60歲以上老人免費驗眼,NHS網站寫每2年一次,但其實視光師會建議幾耐之後再驗嘅。
https://www.nhs.uk/nhs-services/opticians/free-nhs-eye-tests-and-optical-vouchers/
就係咁,萬母幫小妹約咗去驗眼。
以下係萬母約去驗眼嘅眼鏡舖,其實有好多唔同選擇嘅,萬母只係貪近貪方便唧。
https://scrivens.com/
登記時要出示NHS number,驗完眼如果冇問題,係可以拍拍屁股就走嘅。
有問題就要配眼鏡喇,某D框係NHS包埋,如果揀呢D框連眼鏡都係免費喇。
否則就依價計,小妹揀咗個£15嘅框,另加coating加£15,埋單£30。
大約個多星期就收到電話,通知可以拎眼鏡喇。
合資格嘅朋友真係唔好嘥,每年去驗眼,尤其係細路發育時期兼成日睇電腦,更加要check住對眼。
註:冇問題嘅話,佢真係會話冇問題,唔駛配眼鏡嘅,唔似香港某D眼鏡舖咁係唔係都叫人配,所以可以放心去驗眼。
2021年8月26日星期四
Costco 批發超市
好多人都介紹過Costco,又話廁紙抵買,樽裝水抵買,肉類抵買。
我哋終於去一睹風采喇。
要入costco觀光,先要成為會員,或者由會員帶領入去。
官網:
https://www.costco.co.uk/
至於點樣成為會員,有咩資格等等,可以上官網睇。入會要畀會費,個人會員每年會費£33.60,都真係唔平㗎,萬能生話當係theme park年票,入去觀光吓,如果唔啱玩下年就唔續會咁話。
好喇,入到去costco感覺佢係一個擺放整齊嘅貨倉,D日常品通常都一pack pack咁賣,例如:4支茄汁,4支果汁,6支牙膏,4條廁紙,如果計單價,係比出面超市平少少嘅,但前題係要啱自己用同埋屋企有位放。
如果未入過去,的確值得入去觀摩吓,至於值唔值得入會,就要睇自己嘅喜好同需要,萬能家都仲搜尋緊costco有咩貨品啱用。
BTW,有朋友喺costco買咗張乒乓波檯返屋企,costco的的確有好多你諗唔到嘅野賣,包括圖中嘅滑梯。
2021年8月25日星期三
哈利波特影城
哈利波特影城(The Making of Harry Potter)係harry potter fans唔可以錯過嘅景點,雖然入場費好鬼貴,一家四口要£150。
但入面嘅場景真係可以鈎起記憶,強烈建議睇曬D戲先去影城,起初以為佔地唔大,又冇機動遊戲玩,會好快行完,點知最後行咗3粒鐘。小妹拎住本Harry Potter passport不停去蓋印同埋搵golden snitches,唔搵曬唔肯走。
以下係小妹嘅遊後感:
I went to the Harry Potter Studio - it was great! We had to find 16 golden snitches in the studio - some were easy, some were hard. We also had to collect 7 stamps in our Harry Potter passport - you couldn't see the stamps, but you could feel them.
哈利波特影城嘅飛極之難買,當朋友推介時,萬母check過到2022年嘅非返學日子都買唔到飛,點知當7月英國解封時,影城都解封,放咗好多飛出嚟,就係咁萬母就執到暑假檔期嘅飛喇。想去嘅朋友,記住早D買飛喇。
官網:
https://www.wbstudiotour.co.uk/tickets/
好物推介 ~ The Week Junior
偶然喺網上見人講呢本雜誌,見口碑唔錯,想買本嚟睇吓,點知搵勻各大超市都唔見有賣,最後都係上網買咗一本試讀。 睇過實物之後,覺得真心正,值得訂閱。 呢本雜誌嘅目標讀者係8-14歲嘅青少年,但萬母覺得大人都啱睇,特別係我哋呢D母語唔係英文嘅大人,因為有D生字,佢會配有英文解釋。 雜誌...
-
因為我哋裝修期都比較長,有長時間揸住兩間屋嘅鎖匙,所以我哋有一段頗長嘅時間可以慢慢改地址。 以下係綜合咗網上資料再加咗D自己諗到嘅資料。 需要改地址嘅機構/地方: 1. 銀行 (好簡單,上網/用apps就改到) 2. DVLA 車牌 (https://www.gov.uk/cha...
-
萬母起初對Matalan並冇特別好感,不過機緣巧合之下曾經網購過,今次有機會入去實體店。 Matalan主要賣衫,大人細路,男女老少都有,仲有校服,玩具,家品,返工衫同優閒衫都有。 https://www.matalan.co.uk/ 其實呢類服務店喺英國並唔係咩特別野,點解萬母...
-
呢六間屋我要晒佢! 如果係真屋就正喇,可以做大富翁,起酒店喇,可惜佢只係曲奇餅。 小妹一見到已經留咗一盒自用,其餘嘅係送畀老師同鄰居嘅聖誕禮物。 小妹話D曲奇好好味,一口氣食咗四分一盒,除咗曲奇,間屋仔仲有閃燈,真係有得食有得玩,仲有得靚,一次過滿足晒三個願望。 💰💰超市行情...